சர்க்கரை வியாதியை குணமாக்கலாம் ( பாகம் 5 )
சர்க்கரை வியாதியை குணமாக்கலாம்(பாகம் 4) ஐ படித்த பின்னர் இந்தப் பதிவைப் படிக்கவும்.என்றால்தான் தொடர்பு விட்டுப் போகாமல் புரியும்.
உணவு எச்சிலுடன் கலந்து உட்கொள்ளப்படும் போது உணவை எச்சில் ஜீரணத்துக்கு தயார் செய்வதுடன் ,வயிற்றின் உள்ளுறுப்புகளுக்கு தகவல் அனுப்பி வயிற்றில் விழும் உணவுக்கேற்ற வலிவுள்ள ஜீரண நீர்களை சுரக்க வைக்கிறது. வயிற்றில் உள்ள ஹைட்ரோ குளோரிக் அமிலம் உணவை கரைத்து அன்ன ரசமாக்கி,(சர்க்கரையாக்கி) இரத்தத்தில் கலக்கும் போது , ஹைட்ரோ குளோரிக் அமிலமும் தன் தன்மையை விட்டு எச்சிலில் உள்ள சுண்ணாம்புச் சத்தால் அமிலம் (அமிலமும் காரமும் வினைபுரிந்து உப்பையும் தண்ணீரையும் உண்டாக்கும்) தண்ணீராக மாறிவிட வேண்டும் . இல்லையேல் அந்த ஹைட்ரோ குளோரிக் அமிலம் குடலின் சுவர்களை அரிப்பதுடன் , புண்ணாக்குவதுடன் , அமிலத் தன்மை இரத்தத்திலும் ஊடுருவ ஏதுவாகும் .
வெண்புள்ளி நோய் குணமாவதற்கு வீட்டு வைத்தியத்தில் என்ன மருந்து தெரியுமா கூறியிருக்கிறார்கள்.கருவேப்பிலைக் கொழுந்தும் , கீழா நெல்லி இலைக் கொழுந்து ஒரு கைப்பிடியும் காலை வெறும் வயிற்றில் மென்று விழுங்கி வர குணமாகும் என்பதோடு சர்க்கரை நோயும் கட்டுப்படும்.அது மட்டுமல்ல ஈரல் நோய்களும் குணமாகும் , அது மட்டுமல்ல உடலில் உள்ள கழிவுகளையும் இவை நன்றாக நீக்கும்.
மேலும் கீழ்க்கண்ட இந்த இணைப்பில் வெள்ளைச் சர்க்கரையான சீனியை தவிர்த்தால் , விளையும் நன்மைகளுள் ஒன்று வெண்குஷ்டம் குணமாதல்.உடலெங்கும் கேடுகள் செய்யும் வெள்ளைச் சர்க்கரையான சீனியைத் தவிர்ப்போம்.
http://maravalam.blogspot.in/2011/10/blog-post_19.html
மேலும் ஒரு முக்கிய விடயத்தைக் கூறி இந்தப் பதிவை முடிக்கிறேன்.
சமஸ்கிருத மொழியில் “லங்கணம் பரம ஔஷதம்” என்பார்கள். அதாவது “பட்டினியே சிறந்த மருந்து” என்பார்கள். மூன்று வேளையும் , வேளை தவறாமல் உண்டால் உடம்பு வியாதிகளின் கூடாரமாகும் .அப்படி உண்ணுவதே வேலையாக உண்ணாமல் நன்றாகப் பசித்த பின் (காலை உணவுக்குப் பின் பசிக்கவில்லையானால் அன்று முழுவதும் சாப்பிடவே சாப்பிடாதீர்கள்) மட்டுமே உண்ணுங்கள்.
காலை உணவை எக்காரணத்தை முன்னிட்டும் தவிர்க்காமல், அவசரம் அவசரமாகச் சாப்பிடாமல், நிதானமாக காலை 7 மணி முதல் 9 மணிக்குள் கண்டிப்பாகச் சாப்பிட்டுவிடுங்கள்.ஏனெனில் வயிறு சக்தி நாளம் இயங்கும் நேரம் இதுவே.
பதிவு பெரிதாகப் போவதால் அடுத்த பதிவான சர்க்கரை வியாதியை குணமாக்கலாம்(பாகம்6) ல் தொடரலாம்.
அரிய செய்திகள்.அனைவருக்கும் உபயோகமான பதிவுத்தொடர். நன்றி அண்ணா.
அன்புள்ள திரு பாலாஜி கண்ணன் அவர்களே ,
கருத்துரைக்கு மிக்க நன்றி,
மிக்க நன்றி
என்றென்றும் பேரன்பினால்
சாமீ அழகப்பன்
இனிப்பான பதிவு ஜி
சாமி ஜி சொல்வது போல் சீனியை தவிர்த்து
நாட்டு சர்க்கரையை பயன்படுத்துவோம்
நன்றி ஜி
///
இனிப்யை விரும்பிச் சாப்பிடாதவர்கள் யார் தான் இருக்க முடியும்? காலையில் எழுந்தவுடன் குடிக்கும் காப்பியிருந்து இரவு படுக்கச் செல்லும் முன் குடிக்கும் பாலில் வரை சர்க்கரை ஒரு ஊடுபொருளாக நமக்குள் செல்கிறது. பதார்த்தத்தில்தான் என்றில்லை. சர்க்கரையை அப்படியே அள்ளியும் சாப்பிடுகிறோம்.
இந்த வெள்ளைச் சர்க்கரையை எப்படித் தயார் செய்கிறார்கள் என்கிற விபரத்தை நீங்கள் தெரிந்து கொண்டீர்கள் என்றால் இனி அதைத் தொடக்கூட மாட்டீர்கள். குறிப்பாக, வெள்ளைச் சர்க்கரைத் தயார் செய்ய என்னென்ன ரசயாணப் பொருட்கள் பயன்படுத்தப்படுகின்றன என்று பாருங்கள்.
1. கரும்பிலிருந்து சாறு பிழியப்படும் நிலையில் பிளிச்சிங் பவுடர் அல்லது குளோரின் எனப்படும் கெமிக்கலை புளுயுடு பாக்டீரியா கண்ட்ரோலாக பயன்படுத்துகிறார்கள்.
2. பிழிந்த சாறு 60 செண்டி கிரேட் முதல் 70 செண்டி கிரெட் பாஸ்போரிக் ஆசிட் லிட்டருக்கு 200 மில்லி வீதம் கலந்து சூடுபடுத்தப்படுகிறது. இந்த இடத்தில் இந்த ஆசிட் அழுக்கு நீக்கியாக பயன்படுத்தப்படுகிறது.
3. இதன் பிறகு சுண்ணாம்பை 0.2 சதவிகிதம் என்கிற அளவில் சேர்த்து சல்பர்-டை-ஆக்சைடு வாயு செலுத்துகிறார்கள்.
4. 102 செண்ட் கிரேட் கொதிகலனில் சூடுபடுத்தி நல்ல விட்டமின்களை இழந்து, செயற்கை சுண்ணாம்பு சத்து அளவுக்கு அதிகமாக சேர்ந்துவிடுகிறது.
5. அடுத்து, பாலி எலக்ட்ரோலைட்டை சேர்த்து தெளிகலனில் மண், சக்கை போன்ற பொருள்களாக பிரித்து எடுக்கப்பட்டு தெளிந்த சாறு கிடைக்கிறது.
6. சுடுகலனில் காஸ்டிக் சோடா, வாஷிங் சோடா சேர்த்து அடர்த்தி மிகுந்த ஜுஸ் தயாரிக்கப்படுகிறது.
7. மறுபடியும் சல்பர் டை ஆக்சைடும் சோடியம் ஹைட்ரோ சல்பேட்டும் சேர்க்க படிகநிலைக்கு வருகிறது சர்க்கர. சல்பர் டை ஆக்சைடு நஞ்சு சர்க்கரையில் கலந்துவிடுகிறது.
8. இப்படித் தயாரான சர்க்கரையில் விஞ்சி நிற்பது வெறும் கார்பன் என்னும் கரியே.
தயாரான நாளிலிருந்து ஆறு மாத காலத்துக்கும் அதிகமான சர்க்கரையை சாப்பிடக்கூடாது. காரணம், அதில் உள்ள சல்பர்டை ஆக்சைடு என்னும் ரசயானம் மஞ்சல் நிறமாக மாறி வீரியுமுள்ள நஞ்சாக மாறிவிடுகிறது.
உங்கள் சட்டை காலரில் உள்ள அழுக்கு எந்த சோப்பைக் கொண்டு தேய்த்தாலும் போக மறுக்கிறதா? கவலைப்படாமல் கொஞ்சம் சர்க்கரையை எடுத்து தேய்த்துப் பாருங்க. நிச்சயமாகப் போகும். ஆக, சட்டை அழுக்கைப் போக்கும் ஒரு சமாச்சாரத்தைத் தான் நாம் அள்ளி அள்ளித் தின்று கொண்டிருக்கிறோம். இந்த சர்க்கரையை சாப்பிட்டால் நம் குடல் என்ன பாடு படும்?
குடல் மட்டுமல்ல, பல் வலி, பல் சொத்தை, குடல்புண், சளித்தொல்லை, உடல்பருமன், இதய நோய் மற்றும் சர்க்கரை வியாதி (ரத்த அழுத்தம், இதயநோய் போன்ற பெரிய வியாதிகள் அனைத்துக்கும் இதுதான் பிரதான நுழைவுவாயில்) நிச்சயம் வரும்.
சரி, இன்று முதல் வெள்ளைச் சர்க்கரை சாப்பிட வேண்டாம். இனி இனிப்புக்கு என்ன வழி?
வழியில்லாமல் இல்லை. ஆலைகளில் தயாரான வெள்ளைச் சர்க்கரையை சாப்பிடுவதை ஒழித்துக் கட்டிவிட்டு, வெல்லம், நாட்டுச் சர்க்கரைகளை எவ்வளவு வேண்டுமானாலும் சாப்பிடலாம். இதனால் உங்களுக்கு ரத்த அழுத்தமோ, இதய நோயோ, சர்க்கரை வியாதியோ வராது.
(http://www.samsari.blogspot.in/2007/06/blog-post_18.html)
அன்புள்ள திரு ஷெரீஃப் அவர்களே ,
கருத்துரைக்கு மிக்க நன்றி,
வாசகர்களுக்கு விளக்கமாக எழுதிய விளக்கத்திற்கு மிக்க நன்றி.
மிக்க நன்றி
என்றென்றும் பேரன்பினால்
சாமீ அழகப்பன்
அய்யா, நாட்டு சர்க்கரை அல்லது வெல்லம் செய்யும்போது கூட சில வேதிப்பொருள்கள் சேர்க்கப்படுவதாகவும், அதனாலேயே உப்பு கரிப்பது போன்ற சுவை வெல்லத்தில் உண்டு என்றும், வெல்லம் கருப்பாகவோ சிவப்பாகவோ உருவாக்கப்படுவது இந்த வேதிப்பொருளின் அளவைப் பொறுத்ததே என்றும் எங்கோ படித்த நினைவு . தயவு செய்து தெளிவுபடுத்தவும்.
அன்புடன்,
சீனிவாசன்
அன்புள்ள திரு சீனிவாசன் அவர்களே ,
கருத்துரைக்கு மிக்க நன்றி,
உங்கள் கூற்று உண்மை. நீங்கள் ஏன் வெள்ளையானதை தேர்ந்தெடுக்கிறீர்கள்.கருப்பானதையும், பழுப்பானதையும் தேர்ந்தெடுத்து உண்ணுங்கள்.நீங்கள் வாழும் உலகில்தான் நாங்களும் இருக்கிறோம்.எங்களுக்குக் கிடைப்பது உங்களுக்குக் கிடைக்காதா????
மிக்க நன்றி
என்றென்றும் பேரன்பினால்
சாமீ அழகப்பன்
மிக்க நன்றி அய்யா. கூடல் என்னும் இணைய தளத்தில் பின்வரும் கட்டுரையைப் படிக்கக நேர்ந்தது..
http://www.koodal.com/health/food_guide.asp?id=489&title=chemical-sugar-and-jaggery-attacks-kidney
“வெள்ளையாகக் கிடைக்கிற எந்த உணவும் ஆரோக்கியமானதில்லை. பால், அரிசி சாதம், மாவு, சர்க்கரை மற்றும் உப்பு ஆகிய ஐந்தும் அதில் பிரதானம்.”
ஆரோக்கிய வாழ்க்கையில் எச்சரிக்கையுடன் இருக்கிற பிரபலங்கள் பலரும் இவற்றைத் தவிர்ப்பதாக சொல்லக் கேட்டிருக்கலாம். காபி, டீயை விட்டால், பாலைத் தவிர்க்கலாம். கோதுமைக்கு மாறினால், அரிசி சாதத்தை மறக்கலாம். உப்பைக் குறைத்தால் பிரச்சினையில்லை. மாவு உணவுகளில் இருந்து ஒதுங்கியிருப்பதில் பெரிய சிரமங்கள் இருக்க வாய்ப்பில்லை.
சர்க்கரை…?
“அதுக்குப் பதிலாதான் வெல்லம் இருக்கே…. வெல்லத்துல இரும்புச்சத்து அதிகம். கலோரி கம்மி. காபி, டீ உள்பட, சர்க்கரை தேவைப்படற எல்லா உணவுகள்லயும் வெல்லம் சேர்க்கலாம். அதுதான் ஆரோக்கியம்” – நூற்றுக்கிழவி முதல் சத்துணவு நிபுணர்கள் வரை பலரும் இதை வலியுறுத்துவதை மறுக்க முடியாது. அப்படியானால் வெல்லம் என்பது ஆரோக்கியமானதா?
ஆமாம். அதில் எந்தச் சந்தேகமும் வேண்டியதில்லை. ஒரு துண்டு வெல்லத்தில் புரோட்டீன், தாதுச் சத்து, இரும்பு, கேரட்டீன், தையமின், கால்சியம், பாஸ்பரஸ், ரிபோஃபிளேவின், நியாசின் என அத்தனை சத்துக்களும் உண்டு.
கரும்பிலுள்ள அத்தனை சத்துக்களும் உறிஞ்சப்பட்ட பிறகு தயாரிக்கப்படுவதே சர்க்கரை. வெல்லம் அப்படியில்லை. கரும்புச்சாற்றைக் கடைசி சொட்டு தண்ணீர் வற்றும் வரை காய்ச்சினால் பாகு மாதிரி வரும். அதிலிருந்து வெல்லம் தயாரிக்க வேண்டும். அங்கேதான் ஆரம்பிக்கிறது பிரச்சினை. அந்தப் பாகை சுத்தப்படுத்தாமல் அப்படியே உபயோகிக்க முடியாது. பெரியளவில் வெல்லம் தயாரிக்கிறவர்கள், கரும்புச் சாற்றை சுத்தப்படுத்த, சோடியம் ஹைட்ரோசல்ஃபேட் என்கிற ரசாயனத்தை மிக அதிக அளவில் சேர்க்கிறார்கள். வெல்லத்தின் வெளிர் நிறத்துக்காக ஆக்சாலிக் அமிலம், சூப்பர் பாஸ்பேட் மற்றும் டிடெர்ஜென்ட்டும் சேர்க்கப்படுகிறது. இதில் ஆக்சாலிக் அமிலம் என்பது நம் உடலில் உள்ள திசுக்களை அரித்து, சிதைக்கக்கூடியது. தவிர, ரத்தத்தில் உள்ள கால்சியத்தை அறவே நீக்கி, சிறுநீரகத் தொந்தரவுகளை உண்டாக்கி, ஒரு கட்டத்தில் சிறுநீரகம் பழுதடையவும் காரணமாகிறது.
வெல்லத்துக்கு ஆயுள் கம்மி. காற்றிலுள்ள ஈரப்பதத்தை கிரகித்துக் கொள்ளும். அதிலுள்ள பாக்டீரியாவின் தாக்கத்தால் சீக்கிரமே கெட்டுப் போகும். இதைத் தவிர்க்க, தயாரிப்பாளர்கள் பென்சீன் என்கிற ரசாயனத்தைச் சேர்க்கிறார்கள்.
பிளாஸ்டிக், டிடெர்ஜென்ட், உரம் மற்றும் ரசாயனப் பொருள்கள் தயாரிப்புகளில் பிரதானமாக சேர்க்கப்படுவதுதான் இந்த பென்சீன். இதை உபயோகிப்பவர்களுக்கு மயக்கம், தலைசுற்றல், ஞாபகமறதி போன்றவை உண்டாகலாம். தொடர்ந்து நீண்டகாலத்துக்கு உபயோகிக்கும்போது, ரத்தத்தை சுண்டச் செய்து, எலும்புகளை பாதித்து, புற்றுநோய்க்குக் கூடக் காரணமாகலாம்.
வெல்லத்தில் இத்தனை வில்லங்கமா? இதற்கு என்னதான் மாற்று? சத்துணவு ஆலோசகர் அம்பிகா சேகர் சொல்கிறார்.
“சர்க்கரையோட ஒப்பிடும்போது வெல்லம் எவ்வளவோ பரவாயில்லை. இன்னிக்கு ரசாயனக் கலப்பில்லாத வாழ்க்கை சாத்தியமே இல்லை. கிராமங்கள்ல, வீட்லயே சுத்தமான முறைல வெல்லம் தயாரிப்பாங்க. அதுல எந்த கலப்படமும் இருக்காது. சாதாரண வெல்லத்தைவிட, பாகு வெல்லமும் பனை வெல்லமும் சிறந்தது. சத்துகளும் அதிகம்” என்கிறார் அம்பிகா சேகர்.
குடிக்கிற தண்ணீரில் இருந்து சுவாசிக்கிற காற்று வரை சகலத்திலும் கலப்படம். வெல்லம் மட்டும் விதிவிலக்கா என்ன?
சரி இதற்கு என்ன தான் தீர்வு?
“ஆர்கானிக் முறையில் தயாரிக்கப்படுகிற எந்த உணவுப் பொருளும் ஆரோக்கியத்துக்கு உத்தரவாதம். வெல்லமும் அப்படியே”.
ஆரோக்கியத்தைவிட அழகுக்கு முக்கியத்துவம் கொடுக்கிற மனப்பான்மைதான் இன்னிக்கு இருக்கு. கைக்குத்தல் அரிசி கலர் கம்மியா இருக்கும். அது ஆரோக்கியமானது. ஆனா, வெள்ளை வெளேர்னு பாலீஷ் பண்ணின அரிசி தான் ஜனங்களைக் கவருது. அதுல சத்தே கிடையாது. எண்ணெய்லயும், ரீஃபைன் பண்ணாதது கலர் கம்மியா, கொழகொழப்பு அதிகமா இருக்கும். அதுல சத்துக்கள் அதிகம். ஆனா ரீஃபைன்ட் பண்ணின பிறகு கண்ணாடி மாதிரி பளபளனு, சத்துகள் நீக்கப்பட்டதைத்தான் விரும்பறாங்க.
இதே மனப்பான்மை, வெல்லத்துக்கும் பொருந்தும். டார்க் பிரவுன் நிறத்துல இயற்கையா தயாரிக்கிற வெல்லத்தை விட்டுட்டு, மஞ்சள் நிறத்துல கிடைக்கிறதைத் தான் விரும்பறாங்க. இதுல நிறத்துக்காக கெமிக்கல் சேர்க்கப்படுது. வெல்லத்தோட உப்புச் சுவைக்கும் அதுதான் காரணம்.
இந்தப் பிரச்சினைகளுக்கெல்லாம் ஒரே தீர்வு. ஆர்கானிக் உணவுகளுக்கு மாறிடறதுதான். ரசாயன உரங்கள் இல்லாம, இயற்கையான உரங்கள் கொண்டு பயிரிடப்படறது தான் ஆர்கானிக் விவசாயம். எல்லா உணவுப் பொருள்களும் இன்னிக்கு ஆர்கானிக் முறையால் உற்பத்தியாகிக் கிடைக்குது. வெல்லம் உள்பட. இது பார்க்கிறதுக்கு பளீர்னு இல்லாம, டார்க் பிரவுன் நிறத்துலதான் இருக்கும். சாதாரண வெல்லத்துக்கும், ஆர்கானிக் வெல்லத்துக்கும் விலையில் 20 முதல் 30 சதவிகிதம் விலை வித்தியாசம் இருக்கும். ஆனா, ஆரோக்கியத்தோட ஒப்பிடறப்ப, அந்த விலை பெரிய விஷயமில்லை.”
சரி… நல்ல வெல்லத்தை எப்படித்தான் அடையாளம் காண்பது?
முதல் விஷயம், வெளுத்த மஞ்சள் நிற வெல்லம்தான் நல்லது என நினைக்காதீர்கள். ரசாயனம் சேர்க்காத நல்ல வெல்லம் டார்க் பிரவுன் நிறத்தில் இருக்கும். கலப்பட வெல்லத்தை உபயோகித்து, கண்ட கண்ட வியாதிகளை இழுத்து விட்டுக்கொண்டு, மருத்துவர்களுக்கு மொய் எழுதுவதற்கு பதில் கொஞ்சம் மெனக்கெட்டு தேடி நல்ல வெல்லம் உபயோகிக்கலாம்.
கட்டுரையில் உள்ளது போன்று கோதுமையோடு வரகு,சாமை,ராகி,கம்பு போன்ற சிறு தானியங்களும் அரிசியில் சிவப்பு அரிசி , மற்றும் கருப்பு அரிசி ஆகியவைகளை சேர்த்துக்கொண்டால் மிகவும் நல்லது என்பது என் கருத்து .
நன்றி : www .koodal.com
சந்தோஷம்.
அன்புடன்,
செ .சீனிவாசன்
(காலை உணவுக்குப் பின் பசிக்கவில்லையானால் அன்று முழுவதும் சாப்பிடவே சாப்பிடாதீர்கள்)
இது புதிய விடயம்
அன்புள்ள திரு மது என்ற பாலாத் திருமால் அவர்களே ,
கருத்துரைக்கு மிக்க நன்றி,
மிக்க நன்றி
என்றென்றும் பேரன்பினால்
சாமீ அழகப்பன்
என் நண்பர் ஸஹதுல்லாஹ் அவர்கள் மூலமாக தங்கள் தளம் அறிய கிடைத்தது. அரிய பல தகவல்கள் கிடைத்தது. தங்கள் பணி சிறப்படைய எனது வாழ்த்துக்கள்.
நான் ஒரு நோயினால் நீண்ட நாட்கள் அவதிப்படுகிறேன். என்னவென்றால் ஏதாவது எண்ணை மற்றும் முட்டை உணவுகள் உட்கொண்டால் உடனே முகத்தில் பருக்கள் தோன்றி விடுகின்றன. எண்ணை பதார்த்தம் அதிகமாக உட்கொண்டால் பருக்கள் அதிகமாகவும், குறைத்து உட்கொண்டால் குறைவாகவும் பருக்கள் வருகின்றன. இதற்கொரு தீர்வை தங்களிடம் எதிர்பார்கிறேன்.
நன்றி,
பைசல்
அன்புள்ள திரு ஃபைசல் அவர்களே ,
கருத்துரைக்கு மிக்க நன்றி,
இது நோயே அல்ல.சாப்பிடத் தெரியாமல் சாப்பிடுவதால் வரும் தொல்லை.சாப்பிட எப்படி பழக வேண்டும் .அறிய சர்க்கரை நோயைக் குணமாக்கலாம் பாகங்களும், ஆன்மீகம் உடல் சார்ந்ததா??உயிர் சார்ந்ததா??? பாகங்களையும் படித்து வர, நீங்கள் கேட்ட கேள்விக்கு விடை கிடைக்கும்.இது இதற்கு மட்டுமல்ல அனைத்து நோய்களுக்கும் இதே முறைகள்தான்.
மிக்க நன்றி
என்றென்றும் பேரன்பினால்
சாமீ அழகப்பன்
சர்க்கரை நோயினால் வரும் ஆறாத புண்களை காயங்களை எப்படி ஆற்ற முடியும்?
அன்புள்ள திரு கணபதி உஷா அவர்களே,
உங்களது கருத்துரைக்கு நன்றி,
சர்க்கரை நோயினால் வரும் ஆறாத புண்களை காயங்களை ஆற்ற, துத்தி விதை கலந்த மது மேகச் சூரணம் , மற்றும் விரண சஞ்சீவித் தைலம் குணப்படுத்தும் .மற்ற விவரங்களுக்கு அமீர் சுல்த்தானை தொடர்பு கொள்ளுங்கள்.
மிக்க நன்றி
என்றென்றும் பேரன்பினால்
சாமீ அழகப்பன்
ORIGINAL WEBSITE LINK SAMI JI
http://maravalam.blogspot.in/2011/10/blog-post_19.html
அன்புள்ள திரு ஷெரீஃப் அவர்களே ,
கருத்துரைக்கு மிக்க நன்றி,
நீங்கள் கொடுத்த அசல் வலைத்தள முகவரியை ஏற்றி மீளாக்கம் செய்துள்ளேன்.மண் ,மரம் ,மழை தளத்தில் மிகப் பழைய பின்தொடர்பாளர்களில் நாமும் ஒருவர்.நமது வலைத்தள விடயங்களையும்,கேள்விகளையும் , சமாளிக்க நேரம் போதாமல் இருக்கிறோம்.
மிக்க நன்றி
என்றென்றும் பேரன்பினால்
சாமீ அழகப்பன்
அன்புள்ள சாமீ அழகப்பன் அவர்களுக்கு,
வணக்கம்
இது தங்கள் வலை பதிவு தொடர்புடைய சந்தேகம் அல்ல
எனினும், உண்மையை உஙகள் மூலம் அறிய ஆவல்.
லண்டனைச் சேர்ந்த டைனமோ என்ற 31 வயது இளைஞர்
(டைனமோ மெஜிஷியன் இம்பாசிபிள் – டிஸ்கவரி, ஹிஸ்டரி டிவி நிகழ்ச்சிகளில் இவரை காணலாம்) வானில் பறக்கிறார்,
நீர் மேல் நடக்கிறார், தெருவில் நடக்கும்போதே உடைகள் கீழேவிழ அவர் மறைந்து விடுகிறார், இது போல் இன்னும் பல செய்கிறார்.
அட்டமா சித்திகள் கைவரப்பெற்ற சித்தர்கள் செய்யக்கூடி
யதை, வெளி நாட்டில் ஒரு இளைஞர் சர்வ சாதாரணமாக
இக்காலத்தில் செய்கிறார் என்றால் அது கண்கட்டு விததையா! அல்லது அவரும் சிததர் கூட்டத்தை சேர்ந்தவரா?
மணி, மந்திரம், ஒளக்ஷதம் மற்றும் குளிகை இதெல்லாம் எதுவுமின்றி ஒரு சாதாரண மனிதனால் இதை செய்ய
முடியுமா?
இதில் சித்த ரகசியஙகள் ஏதேனும் இருந்தால் பதிலளிக்க வேண்டாம்.
தங்கள் பதிவுகள் அனைத்தும் மானுடம் தழைக்க வந்த மாமழை, படித்தேன்,தெளிந்தேன், பணிந்தேன். எளீய தமிழில்
பளிங்கு நடையில்,எண்ணற்ற எடுத்துக்காட்டுக்களுடன் தாஙகள் எழுத படும் சிரமம்…..வாடிய பயிரை கண்டபோதெல்லாம் வாடினேன் எனும் வள்ளலாரின் நிலையை போன்றது என் நிலை..பத்து நிமிடங்களில்
படித்து பத்து வரிகள் பாராட்டியோ,கண்டித்தோ எழுதுவதல்ல என் நோக்கம். எங்கும் எதிலும் பணம்,பணம்
என்று அலையும் இவ்வுலகில் சித்த மருத்துவத்தை எடுத்தியம்பி, ஆங்கில மருத்துவத்தின் தீமைகளை
உணற வைத்து…… கடமையை செய் பலனை எதிர்பாராதே! எனும் கீதையின் வரிகளை நினைவு படுத்து
கின்றன. அகத்தியர் முதலான அனைத்து சித்தர்களின் அருளாசி தங்களுக்கு கிடைக்கட்டும்.
நன்றி,
நெஞ்சம் நிறை அன்புடன்,
சேகர்ஜி
அன்புள்ள திரு சேகர்ஜி அவர்களே ,
கருத்துரைக்கு மிக்க நன்றி,
கண்கட்டு வித்தை 2000 என்ற நூலில்,பல கண்கட்டு வித்தைகளை வருணித்துள்ளனர்.சிற்சில கண்கட்டு வித்தைகளை நாம் பரிசோதனை செய்து பார்த்துள்ளோம்.அவையாவன (MAGIC IN EYE , MAGIC IN MATERIAL , MAGIC IN HAND ) காணும் காட்சிகளில் அதாவது கண்களின் தோற்றத்தில் மாயக் காட்சிகளை பிறர் அறிவால் அறியாமல் தோற்றுவித்தல்,மாயக்காட்சிகள் செய்யும் பொருட்களில் மாயத்தைப் பிறர் அறிவால் அறியாமல் பதுக்குவது, கை , கால்களில் ,உடைகளில் மாயத்தைப் பிறர் அறிவால் அறியாமல் பதுக்குவது .இது போன்று விளக்கினால் புரியுமா என்று தெரியவில்லை.நாம் சந்திக்க நேர்ந்தால் இதை விளக்க முடியும் .ஆனால் எமக்கிருக்கும் வேலைகளில் இது சாத்தியமா என்று தெரியவில்லை.அதாவது மாயக் காட்சிகளை தோற்றுவிக்க சற்று அதீதமான அறிவு தேவை,அதாவது சாதாரண மனிதனின் சிந்தனைக்கு அப்பாற்பட்டு சிந்திக்கத் தெரிந்தவரே மாயம் செய்யும் நபர்(MAGICIAN).இது புரிந்தால் இந்த உலகில் அனைத்தும் சாத்தியமே!!!இது போக சித்தர்களின் ஐங்கோலக் கரு முடித்தால் அனைத்தும் செய்யலாம்.அதற்கு முப்பூ குரு முடித்திருக்க வேண்டும் .இவைதாம் முக்கிய அஷ்டமா சித்துக்களைச் செய்யும் வல்லமை அளிக்கும்.இவை சாதாரண மாயம் செய்யும் நபர்களிடம் இல்லை.அவர்களிடம் இருப்பது சாதாரண புத்தியை மீறிய தந்திரங்களே. பாராசெல்ஸ் , இயேசு கிறிஸ்து {கம்பளிச் சட்டை முனி சித்தர்(வெளிநாட்டில் கம்பளி போர்த்தி இருந்தது போல இந்தியாவிலும் இப்படி கம்பளி போர்த்தி இருந்ததால் இந்தப் பெயர் வந்ததாக கூறுவர்)} போன்ற அயல்நாட்டு சித்தர்களும் இது போன்ற அரிய ஞானத்தைப் பெற்றிருப்பதால் இவர்களும் சித்தர்களுக்கு சமமாகவே கருதப்படுகிறார்கள்.இவர்களது ஞானம் இன்னும் அயல் நாடுகளில் பல குழுக்களிடையே மறையாமல் காக்கப்பட்டு வருகிறது.
சில மாயக் காட்சிகளையும் பல , தந்திரக் காட்சிகளைக் கீழுள்ள இணைப்புக்களில் காணுங்கள்.
http://www.goodtricks.net/cell-phone-bottle-magic-trick.html
http://www.youtube.com/watch?v=OTHQHwmTdyo
http://www.craveonline.com/lifestyle/articles/186211-5-magic-tricks-we-cant-figure-out
அவற்றுக்கு விஞ்ஞான விளக்கங்கள் இங்கே காணலாம்!!!!!
00gf.wordpress.com/2011/06/27/how-did-dynamo-walk-across-the-river-thames-magician-performs-stunt-for-tv-show/
மிக்க நன்றி
என்றென்றும் பேரன்பினால்
சாமீ அழகப்பன்