துத்தி (ஒரு அற்புத மஹா மூலிகை) பாகம் 1
துத்தி
குரு பார்க்க கோடி பாவம்போகும் என்பார்கள் .அதே போல அவருக்கு உகந்த மூலிகையான துத்தியும் பாவம் பல செய்து உடல் ரீதியான வியாதிகளால் துன்புறுபவர்களுக்கும் நற்கதி நல்கும்.இது சிறுதுத்தி, பெருந்துத்தி , கருந்துத்தி , நிலத்துத்தி என நான்கு வகைப்படும்.சிறுதுத்தி மருத்துவத்தன்மையில் மேலானது.சிறுதுத்தி இலை மென்மையானதாக இருக்கும்.பெருந்துத்தி இலை தடிமனானதாக இருக்கும்.
சிறுதுத்தி
பெருந்துத்தி
துத்தி என்ற அற்புத மூலிகை தேவ குருவான , வியாழன் என்றழைக்கப்படும் பிருகஸ்பதியிற்கான மூலிகை. இது உடலில் உள்ள நோய்களை களைந்து , உடலின் அழுகும் தன்மையையும் மாற்றி படிப்படியாக நோயை நீக்கும் வியதாபேதகாரியாக செயல்படுகிறது .
வியாழ நோக்கம் இல்லாவிட்டால் திருமணம் என்பதே ஒருவர் வாழ்வில் நிகழாது.சிறுநீரக மண்டலத்துக்கும், இனப்பெருக்க மற்றும் பிறப்புறுப்பு மண்டலத்துக்கு அதி தேவதை இந்த வியாழன் . இந்த வியாழ நோக்கம் இல்லாவிட்டால் நமக்கு சந்ததிகளே இராது.வியாழ நோக்கம் இல்லாதவர்கள் இந்த துத்திச்செடிக்கு வியாழ நோக்கம் இல்லாத நபரின் பிறந்த நட்சத்திரத்தன்று மஞ்சள் கயிற்றால் காப்புக் கட்டி தண்ணீர் ஊற்றி வேர் அறாமல் பிடுங்கி எடுத்து அதன் வேரைக் குளிசமாடிக் கட்ட வியாழன் அருள் கிடைக்கப் பெற்று திருமணம் நிகழும்.
துத்திப்பூ
துத்தி மலரை நிதம் துய்க்கின்ற பேர்களுக்கு
மெத்த விந்து வும்பெருகும் மெய்குளிரும் -சத்தியமே
வாயால் விழுமிரத்த மாறு மிருமலறுந்
தேயா மதி முகத்தாய் செப்பு
( குணபாடம் )
குணம் :-துத்திப் பூவால் ரத்த வாந்தியும் , காசரோகமும் நீங்கும்,சுக்கில ( விந்து ) விருத்தியும் , தேகக் குளிர்ச்சியும் உண்டாம் .
செய்கை:- ரக்தஸ்தம்பனகாரி, காமவிர்த்தினி
உபயோகிக்கும் முறை:-துத்திப் பூவைஒரு பிடி பிரமாணம் பசுவின் பாலில் போட்டு அடுப்பிலேற்றி வெந்து குழையும் பதத்தில் கடைந்து, சிறிது சர்க்கரை கூட்டிச் சாப்பிடலாம் அல்லது துவரம் பருப்பு வெந்து வருஞ்சமயம் துத்திப் பூவைச் சுத்தமாக அலம்பிப் போட்டு வேக வைத்து உப்பிட்டு கடைந்து , தாளித்து உண்ணலாம் .இதனால் தேகத்தின் வெப்பம் அடங்கும். தாது ( விந்து ) கட்டும்.இரத்த காசம் குணப்படும்.
பதிவு மிகப் பெரியதாகப் போவதால் துத்தி(ஒரு அற்புத மஹா மூலிகை) பாகம் 2 ம் பாகத்தில் துத்தியிலை ,வெண்துத்தி , கருந்துத்தி , சிறுதுத்தி , நிலத்துத்தி , துத்தி விதை பற்றி துத்தி ( ஒரு அற்புத மஹா மூலிகை ) பாகம் 2 ம் பாகத்தில் தொடர்ந்து வெளிவரும் .
Sir,
Ungalin pathivugal anaithume super..thannalam karudhadha sevai adhai vida super…..
அன்புள்ள திரு உதய் அவர்களே,
உங்களது கருத்துரைக்கு நன்றி,
முதலில் தமிழில் எழுதுங்கள் .நமது மொழி தமிழ்.நமது தமிழ் நம் உயிர்.நாமே அதை உபயோகிக்காவிட்டால் தமிழ் எப்படி வாழும்.பழக்கத்தில் உள்ள மொழிதான் வாழும்.நாம் எழுதியதை தமிழை அறிந்ததால் நீங்கள் படித்தீர்கள்.
மிக்க நன்றி
என்றென்றும் பேரன்பினால்
சாமீ அழகப்பன்
arumai sami ji
அன்புள்ள திரு ஷெரிப் அவர்களே,
உங்களது கருத்துரைக்கு நன்றி,
தமிழில் எழுதுங்கள்.
மிக்க நன்றி
என்றென்றும் பேரன்பினால்
சாமீ அழகப்பன்
அருமை நன்றி ஐயா
அன்புள்ள திரு ஆறுமுகம் அவர்களே,
உங்களது கருத்துரைக்கு நன்றி,
மிக்க நன்றி
என்றென்றும் பேரன்பினால்
சாமீ அழகப்பன்
hi very nice good
அன்புள்ள திரு எம் சி இளையராஜா அவர்களே,
உங்களது கருத்துரைக்கு நன்றி,
முதலில் தமிழில் எழுதுங்கள் .நமது மொழி தமிழ்.நமது தமிழ் நம் உயிர்.நாமே அதை உபயோகிக்காவிட்டால் தமிழ் எப்படி வாழும்.பழக்கத்தில் உள்ள மொழிதான் வாழும்.நாம் எழுதியதை தமிழை அறிந்ததால் நீங்கள் படித்தீர்கள்.
மிக்க நன்றி
என்றென்றும் பேரன்பினால்
சாமீ அழகப்பன்
அய்யா
என் தங்கைக்கு அடிக்கடி கை சூர பிடித்து கொள்கிறது ஒரு பொருளையும் அவளால் தூக்க முடியவில்லை அப்படியே தூக்கினாலும் 5 நிமிடத்துக்கு மேல் அவளால் வைத்து இருக்க முடியவில்லை அவளுடைய குழந்தை கூட அவளால் தூக்க முடியவில்லை நரம்பு மருத்துவரிடம் காண்பித்தார்கள் அவர்கள் பரிசோதனை செய்து விட்டு ஒரு மாதத்திற்கு மருந்து கொடுத்தார்கள் இப்பொழுதும் சரியாகவில்லை இப்பொழுது அறுவை சிகிச்சை செய்ய வேண்டும் என்று கூறுகிறார்கள் அந்த வியாதியை குணபடுத்த முடியுமா அய்யா சற்று கூறுங்கள் அய்யா
கண்ணன்
அன்புள்ள திரு கண்ணன் அவர்களே,
உங்களது கருத்துரைக்கு நன்றி,
இரத்தத்தில் சிவப்பணுக்கள் குறைவது இது போன்ற பிரச்சினைகளுக்கு காரணம் ஆகும்.இரத்தத்தில் சிவப்பணுக்களின் எண்ணிக்கையை பரிசோதித்து பார்த்து சிவப்பணுக்கள் குறைவாக இருப்பின் சரக் பார்மா தயாரிபான மனோல் என்ற மருந்தை தினமும் இரு வேளைகள் சாப்பிட இரத்தத்தில் சிவப்பணுக்கள் எண்ணிக்கை உயரும்.இந்தப் பிரச்சினையும் தீரும் .
மிக்க நன்றி
என்றென்றும் பேரன்பினால்
சாமீ அழகப்பன்
அய்யா வணக்கம்,
என் தந்தை உடல் நிலை (இருதய அடைப்பு வயது 69) பற்றி உங்களிடம் கேட்டு இருந்தேன்.
(பவள பற்பம் (ஸ்பெஷல்) ( IMP COPS ) , சிருங்கி பற்பம் SKM PHARMA , கஸ்தூரி கருப்பு ( IMP COPS ) ஒவ்வொன்றிலும் 10 கிராம் எடுத்து கலந்து கொண்டு , காலையில் சாப்பாட்டிற்கு அரை மணி பின்னர் பின்னர் மேற்படி பஸ்மக் கலவையை இரண்டு கிராம் எடுத்து வாயில் போட்டு சப்பிச் சாப்பிட்ட பின்னர் தசமூலாரிஷ்டத்தில் ( IMP COPS OR DABAR ) 15 மிலி எடுத்துக் கொண்டு 15 மி.லி தண்ணீர் கலந்து சப்பிச் சாப்பிட்டு வர சளி குறையும்.இரவு சாப்பாட்டிற்கு அரை மணி பின்னர் பின்னர் மேற்படி பஸ்மக் கலவையை இரண்டு கிராம் எடுத்து வாயில் போட்டு சப்பிச் சாப்பிட்ட பின்னர் அர்ஜூனாரிஷ்டத்தில் ( IMP COPS OR DABAR ) 15 மிலி எடுத்துக் கொண்டு 15 மி.லி தண்ணீர் கலந்து சப்பிச் சாப்பிட்டு வர இதய அழுத்தம் குறையும்.)
சாப்பிட்டார் நன்றாக இருந்தது என்று கூறினார். மருந்து முடிந்து விட்டது 4 வாரம் ஆகுகிறது. இப்போது இருதய அழுத்தம் (நடக்கும் போது வலி) அதிகமாக இருக்கிறது என்கிறார். தங்களது ஆலோசனை வேண்டும் அய்யா…..
எனது மின் முகவரி : mmleosaravanan@gmail.com
இப்படிக்கு
உண்மையுள்ள
ம .சரவணன்
அன்புள்ள திரு ம .சரவணன் அவர்களே,
உங்களது கருத்துரைக்கு நன்றி,
இந்த மருந்துகளை தொடர்ந்து உடல் நலக்குறைவு பிரச்சினைகள் தீரும் வரை , குறைந்தது இரண்டு வருடங்களாவது பயன்படுத்தி வாருங்கள். மருந்தை நிறுத்தும் முன்னர் எம்மிடம் கலந்து பேசிவிட்டு பின்னர் நிறுத்துங்கள் . பல வருடங்களாக வளர்த்த வியாதி சில நாள் மருந்தில் தீராது. எனவே வியாதியின் வேகம் குறையும் வரை எல்லா மருந்துகளையும் தொடந்து எடுத்து வாருங்கள்.
மிக்க நன்றி
என்றென்றும் பேரன்பினால்
சாமீ அழகப்பன்
மிக்க நன்றி அய்யா
அப்படியே செய்கிறேன்
இப்படிக்கு
ம. சரவணன்
அன்புள்ள திரு ம. சரவணன் அவர்களே,
உங்களது கருத்துரைக்கு நன்றி,
இறைவன் அருட் கருணைப்படி ஆகுக!
மிக்க நன்றி
என்றென்றும் பேரன்பினால்
சாமீ அழகப்பன்
குருவே வணக்கம்,
பதிவுகள் அல்ல இவை, பொக்கிஷங்கள்.
தன்னலம் கருதாத தங்கள் சேவைக்கு தலைவணங்குகிறேன்.
இறைவன் எல்லா நலங்களையும், வளங்களையும் தங்களுக்கு வற்றாமல் வழங்க பராத்திக்கிறேன்.
என்றும் அன்புடன்,
லா வெங்கட்.
அன்புள்ள திரு லா வெங்கட்.அவர்களே,
உங்களது கருத்துரைக்கு நன்றி,
இறைவன் அருட் கருணைப்படி ஆகுக!
மிக்க நன்றி
என்றென்றும் பேரன்பினால்
சாமீ அழகப்பன்
naaan sidha maruthuvam ariya virumbugiren
அன்புள்ள திரு இராமலிங்கம் அவர்களே,
உங்களது கருத்துரைக்கு நன்றி,
முதலில் தமிழில் எழுதுங்கள் .நமது மொழி தமிழ்.நமது தமிழ் நம் உயிர்.நாமே அதை உபயோகிக்காவிட்டால் தமிழ் எப்படி வாழும்.பழக்கத்தில் உள்ள மொழிதான் வாழும்.நாம் எழுதியதை தமிழை அறிந்ததால் நீங்கள் படித்தீர்கள்.
தமிழும் சித்த மருத்துவமும் இரண்டறக் கலந்தவை.தமிழிடம் பற்றுக் கொண்டால் மட்டுமே சித்த வைத்தியம் சித்திக்கும்.
மிக்க நன்றி
என்றென்றும் பேரன்பினால்
சாமீ அழகப்பன்
Dear sir,
I have few doubts in usage to of thuthi plant and I am eager to know about this.
If you don’t mind, can u pl. give your contact no. for further queries.
Regards
R.SHANKAR
அன்புள்ள திரு ஷங்கர் அவர்களே,
உங்களது கருத்துரைக்கு நன்றி,
துத்தி விதை மற்றும் அந்தச் செடியின் பல பயன்பாடுகள் பற்றி இந்த நான்கு பதிவில் இயன்ற வரை எழுதி உள்ளோம்.மற்ற விவரங்களுக்கு அமீர் சுல்த்தானை தொடர்பு கொள்ளுங்கள்.
மிக்க நன்றி
என்றென்றும் பேரன்பினால்
சாமீ அழகப்பன்
sir, first sorry I don’t have Tamil font. I am having many questions in my mind kindly answer for me if you have time. I have two daughter’s 1st daughter 9 and 2nd is 2years old.
1. both were suffering from worms bite in motion area . I am giving albendezol for every six months but this works for only 3 months then it started again for biting.so i gave monthly once or twice neem leaf paste but this is also not that much working. Is there any other herbs powder to give daily or how long i have to give (weakly once or monthly?).Because of this food intake is going worse they feel vomiting sensation,stomach upset and pain.
2. how to increase immunity level because we three of us caught cold easily and we will suffer a lot.
3.this is an important question- know a days age attending is coming earlier for the girl child.For this as a mother how to protect her for to attend age in correct age.
Sir kindly give your answer i will be very much thank full to you.
அன்புள்ள திரு கஸ்தூரி அவர்களே,
உங்களது கருத்துரைக்கு நன்றி,
ஒன்று ) அல்பெண்டசால் மாத்திரைகள் வயிற்றுக்குள் உள்ள பூச்சிகளை அழிப்பதுடன் வயிற்றின் உயிர்ச் சக்தியையும் அழித்துவிடுவது மட்டுமல்ல , நமது வயிற்றில் நல்லது செய்யும் நுண்ணுயிர்களையும் அழித்துவிடும் . எனவே ஆங்கில மருந்துகளை அறவே எடுக்காது தவிர்க்கச் செய்யுங்கள் .அவை கல்லீரல் , மண்ணீரல் , வயிறு ஆகியவற்றை அதிகம் கெடுக்கும்.
உங்கள் இரண்டு வயதுக் குழந்தைக்கு குப்பை மேனியின் வேரினை ஒரு டம்ளர் தண்ணீரில் போட்டு கொதிக்க வைத்து அரை தம்ளராக வற்ற வைத்து , காலை வெறும் வயிற்றில் மூன்று நாட்கள் கொடுக்கவும் . பிறகு மீண்டும் ஓரிரு வாரங்கள் கழித்து இதே போல் தரவும்.இது போல் பத்து முறையாவது தர பூச்சித் தொல்லைகள் ஒழியும்.
இதே போல் உங்கள் ஒன்பது வயது குழந்தைக்கு மட்டும் முருக்கன் விதை மாத்திரையையும் கொடுக்கலாம்.இது நன்கு பலனளிக்கும் .
இரண்டு )முதலில் நோய் எதிர்ப்பு சக்தியை வளர்க்கும் மருந்துகளையும் , உணவுகளையும் வியதா பேதகாரி என்பார்கள் .அதற்கு இந்த இணைப்பைப் பார்வையிடுங்கள் http://machamuni.com/?p=616
மூன்று ) முதலில் நீங்கள் அசைவப் பிரியராக இருந்தால் கறிக் கோழியை அறவே தவிருங்கள் ( அசிடோன் ஊசி மற்றும் தினமும் ஒரு ஹார்மோன் ஊசி போட்டுத்தான் மிக விரைவாக 45 நாட்களில் இந்தக் கோழிகள் வளர்க்கப்படுகின்றன,கோழித் தீவனங்களிலும் அசிடோன் சேர்க்கப்படுகிறது , இதனால் கோழி விரைவாக முதிர்கிறது .இதே போல் நமக்குள்ளும் செல்லும் அசிடோன் நமக்கு விரைவில் முதிர்ச்சியை அளிக்கிறது .இதனால் இவற்றை சாப்பிடும் நாமும் விரைவில் வளர்ந்து விரைவில் முதிர்ந்து விரைவில் இறந்து போவோம் ) .பால் அருந்துவதைத் தவிருங்கள் ( அசிடோன் ஊசி போட்டுத்தான் பால் கரைக்கப்படுகிறது , மற்றும் மாட்டுத் தீவனங்களில் அசிடோன் சேர்க்கப்படுகிறது ).மேலும் தக்காளியை அறவே தவிருங்கள்.ஊட்டச் சத்து பானங்களை அறவே தவிறுங்கள் . உங்கள் குழந்தை மற்ற குழந்தையைவிட விரைவாக வளர்வார்கள் என்று ஒரு விளம்பரம் வந்ததால் அந்தக் குழந்தை விரைவாக வளர்ந்து , விரைவாக இறப்பை நோக்கிப் போகிறது என்று பொருள். இவற்றில் அசிடோன் என்ற பொருள் செயற்கையாகச் சேர்க்கப்படுகின்றன . இவையே கறிக் கோழிகள் விரைவாக வளர்ந்து , விரைவாக இறக்கக் காரணம். இவற்றில் உள்ள அசிடோன் இவற்றை மட்டும் பாதிக்காமல் இவற்ரை சாப்பிடும் நம் மீதும் பாதிப்பை உண்டாக்கித்தான் சிறு பெண்கள் விரைவில் வயதுக்கு வருவதை தூண்டுகின்றன.
என்றென்றும் பேரன்பினால்
சாமீ அழகப்பன்