ஒரு மஹா மூலிகை ( மார்ச்சால மூலி) பாகம் 3
மார்ச்சால மூலி பாகம் 2 ஐ படித்துவிட்டு அதன் பின் இந்த மார்ச்சால மூலி பாகம் 3 ஐ படிக்கவும் எனக் கேட்டுக் கொள்ளுகிறேன்.
பெண்களுக்கு மாதாந்திர விலக்கின் போது ஏற்படும் அடிவயிற்று வலியை சூதக வலி என்று சொல்வார்கள். அதற்கு மார்ச்சால மூலியான குப்பைமேனியை எடுத்து பாதி பங்கு சோற்று உப்புடன் சேர்த்து அரைத்து நிழலில் காய வைத்து தூளாக்கி எடுத்து வைத்துக் கொண்டு மாதாந்திர விலக்கின் போது சாதாரண சோடாத் தண்ணீரில்( CARBONATED WATER ) திரிகடிப் பிரமாணம் அந்த மாதாந்திர விலக்காகும் மூன்று நாட்களும் காலையில் வெறும் வயிற்றில் குடித்து வர ஆயுளுக்கும் சூதக வயிற்று வலி வராது.
பல் வலி பெரும் அவஸ்தை அனுபவப்பட்டவர்கள் சொல்வார்கள்.பல் வலியின் போது குப்பை மேனியிலையை உப்புடன் வைத்துக் கசக்கி எடுத்த சாற்றில் ஒரிரு சொட்டுக்கள் எந்தப்பக்கம் பல் வலி இருக்கிறதோ அந்தப் பக்கம் உள்ள காதில் விட உடனே பல் வலி குறையும்.இதே போல காது வலி உள்ளவர்களுக்கும் காதில் இதே மருந்தை விட வலி தீரும்.
எந்த வர்மம் தாக்கியிருந்தாலும் குப்பை மேனியிலையை, சின்ன வெங்காயம் , மற்றும் உப்புடன் வைத்துக் கசக்கி எடுத்த சாற்றில் ஒரிரு சொட்டுக்கள் மூக்கில்விட வர்ம பாதிப்புகள் அகன்று உடனே எழுந்திடுவார்கள்.இதே மருந்தை பாம்புக் கடியினால் பாதிக்கப்பட்டு பல் கிட்டியவர்களுக்கு மூக்கில் நான்கு சொட்டுக்கள் விட உடனே எழுந்திருப்பார்கள்.பின் வைத்திய மருந்துகளை வாய் வழியே கொடுக்க விடம் நீங்கும்.
ஆஸ்துமா என்னும் மூச்சிறைப்புக்கு குப்பை மேனி இலை , நொச்சி இலை , தை வேளை இலை மூன்றையும் வேப்ப எண்ணெயில் காய்ச்சி மூக்கில் ஒரிரு துளிகள் விட உட்னே மூச்சிறைப்பு நிற்கும்.
மேலும் இன்னும் விபரங்களுக்கு இன்னும் வரும் பதிவுகளில் மார்ச்சால மூலி பாகம் 4 ஐத் தொடரவும் .
ஐயா,குப்பை மேனி பற்றிய ஒவ்வொரு பதிவும் ஒரு பொக்கிஷம் .மனம் நிறைந்து சொல்கிறேன்
தாங்கள் ஒரு அபூர்வ பிறவி.உங்களுடன் இணைந்து புகைப்படம் எடுத்துகொண்டதையும்,உங்களுடன் பேசி மகிழ்ந்ததையும் என் வாழ்வின் பொன்நாள் என்று
கருதுகிறேன்
அன்பு மிக்க திரு மருத்துவர் பாஸ்கர் அவர்களே,
கருத்துரைக்கு மிக்க நன்றி !!!!!
இறைவன் என்னை வழி நடத்துகிறான்.அவனது கைப் பொம்மைதான் நான் என்பதை உணர்ந்தவுடன் எனக்கு என்ன தேவை என்று அறிந்து அளிப்பது முதல் அனைத்தையும் செய்வது அவன் பொறுப்பு. எனவே அவன் செயலாவது அனைத்தும் என்றால் குறிப்பிடுவது வெளியிடுவது என்று அனைத்திலும் அவன் கரம்தான் உள்ளது.அவனன்றி ஓரணுவும் அசையாது.
மிக்க நன்றி
என்றென்றும் பேரன்பினால்
சாமீ அழகப்பன்
உங்களை நினைத்து மனம் மிக மிக நெகிழ்ச்சி அடைகிறது.உங்கள் பதிவுகளை படித்தே எல்லா நோய்களுக்கும் மருத்துவம் பார்க்கமுடியும் என்ற நம்பிக்கை வருகிறது.உங்கள்முன் மிக மிக கீழானவனாக என்னை உணர்கிறேன்.
அன்பு மிக்க திரு மருத்துவர் பாஸ்கர் அவர்களே,
கருத்துரைக்கு மிக்க நன்றி !!!!!
உங்களுக்குள் உள்ள இறை என்னிடமும் இருக்கிறது .வெளிப்பட இயங்கினால் மேலாகத் தெரிகிறது.இதில் கீழாவர் மேலானவர் என்று ஏதும் இல்லை.
மிக்க நன்றி
என்றென்றும் பேரன்பினால்
சாமீ அழகப்பன்
அன்பு மிக்க திரு மருத்துவர் பாஸ்கர் அவர்களே,
கருத்துரைக்கு மிக்க நன்றி !!!!!
உங்களுக்குள் உள்ள இறை என்னிடமும் இருக்கிறது .வெளிப்பட இயங்கினால் மேலாகத் தெரிகிறது.இதில் கீழாவர் மேலானவர் என்று ஏதும் இல்லை.
மிக்க நன்றி
என்றென்றும் பேரன்பினால்
சாமீ அழகப்பன்
உண்மைதான் ஐயா,எல்லாம் அவன் செயல் என்று அவனை சரண் அடைந்து விட்டால் ,பின் துக்கம் மகிழ்ச்சி என்பது மனதிற்கு எது ?அவன் நினைப்பு ஒன்றே பேரானந்தம் .பட்டினத்தார் சொல்வதைப்போல செத்தாரைபோல திரியலாம்
ஐயா செய்யும் தொழிலை மன நிறைவுடன் ,புன்னகையுடன் ,நோய் தீர்க்க(?) முயன்று வருகிறேன்.இன்னும் அதிக மக்களுக்கு எதாவது செய்யவேண்டும் என மனம் விரும்புகிறது .கிளினிக் வாழ்கை அடைத்து வைத்தது போல் உள்ளது,என்ன செய்யலாம்? வழி காட்டுங்களேன்
குப்பைமேனி
1) வேறுபெயர்கள் :- பூனை விரட்டி, இந்தியன் அக்கலிப்பா,மரகாந்தா, குப்பி, கஜோதி.
2) தாவரப்பெயர் :- ACALYPHA INDICA.
3) குடும்பம் :- EUPHORBIACEAE.
4) வளரும் தன்மை :- இது தோட்டங்கனிலும், சாலையோரங்களிலும். பொதுவாக இந்தியாவில் எங்கும் காணப்படுகிறது. குப்பை மேனிக்கு அருகில் பூனை வராது. சிறு செடியாக வளரும். இதன் இலை பச்சைபசேலென முக்கோண வடிவமாக ஓரங்கள் அரும்பு அரும்பாக இருக்கும். இலையில்
ஒரு சில இடங்களில் மஞ்சள் நிறப் புள்ளிகள் இருக்கும். பூக்கள் வெண்மையாக, சிறியதாக இருக்கும். காய்கள் முக்கோண வடிவில் மிளகளவில் பச்சையாகக் காணப்படும். காய்களைச் சுற்றிப் பச்சை நிறத்தில் செதில்கள் இருக்கும். மாற்றடுக்கில் அமைந்த பல அளவுகளில் உள்ள இலைகளையும் இலைக்காம்பு இடுக்கிலமைந்த பூக்களைக் கொண்ட
குறுஞ்செடி. இது சுமார் 50 செ.மீ. உயரம் வரை வளர வல்லது. குனான், ஸ்டீரால்ஸ் மற்றும், சைனோஜெனிக் க்ளைக்கோஸைடு போன்ற மிகவும் விஷம் வாய்ந்த வேதிப் பொருட்களையும் உடையது. குப்பை மேனியை மார் ஜாலமோகினி என்பர். எரிப்புகுணமுடையது.வசீகரப்படுத்தும்இயலடையது.
மாந்திரீக மூலிகையாகும். விதை நாற்றுக்கள் மூலம் இனப்பெருக்க செய்யப்படுகிறது.
5) பயன்தரும் பாகங்கள் :- செடி முழுதும் மருத்துவப்பயனுடையது.
6)பயன்கள் :- நெஞ்சுக்கோழையை நீக்கும். இருமலைக்கட்டுப் படுத்தும். விஷக்கடி, ரத்தமூலம், வாதநோய்,நமச்சல், ஆஸ்துமா, குடற்புழுக்கள், மூட்டுவலி மற்றும் தலைவலி போன்ற நோய்களைக் குணப்படுத்தப் பயன்படுகிறது. இலை வாந்தி உண்டாக்கிக் கோழையகற்றியாகவும். வேர் மலமிளக்கியாகவும் பயன்படுகிறது.
சமூல சூரணம் 1 சிட்டிகை நெய்யில் காலை மாலைஒரு மண்டலம் கொடுக்க 8 வித பவுத்திர நோயும்தீரும்.
வேர்சூரணம் 1 லிட்டர் நீரில் 1 பிடி போட்டு 8 இல்ஒன்றாய் காச்சிக் கொடுக்க நாடா புழு, நாக்குப்பூச்சிநீங்கும். பேதியாகும் சிறுவர்களுக்குப் பாதியளவுகொடுக்கவும்.
இலையை விளக் கெண்ணெய் விட்டு வதக்கி இளஞ்சூட்டில் கட்டிவரப் படுக்கைப் புண்கள் தீரும்.
இலைச் சூரணத்தைப் பொடி போல் நசியமிட தலை வலி நீங்கும்
இலை, சிறிது மஞ்சள், உப்பு அறைத்துப் பூசி சற்றுநேரம் கழித்துக்குளிக்கத் தோல் நோய் அனைத்தும்தீரும்.
மூலநோய் :- மூலநோய் ஒரு சிக்கலான நோய்.அறுவை செய்தாலும் வளரும். மூலிகை மருந்துகள்நல்ல பயன் தரும். ஆசனமூலம், பக்க மூலம், சிந்திமூலம், மேக மூலம், சரக்கண்ட மூலம், மாலைமூலம், கொடிமூலம், கண்டமாலை என எட்டு வகைப்படும். பதினெட்டுவகை எனவும், கூறுவர். அவைஇவற்றில் அடங்கும். மூலத்திற்குக் குப்பைமேனிசிறந்த மருந்தாகும். பூத்த குப்பைமேனியை வேறுடன்பிடுங்கி நிழலில் உணர்த்தி சூரணம் செய்து இதில்2 – 5 கிராம் அளவு பசும் நெய்யில் காலை மாலைசாப்பிடுக, 48 நாள் சாப்பிட எந்தவகை மூலமும்முற்றிலும் குணமாகும்மோரில் சாப்பிடுக. புளிகாரம் இல்லாவிடில் விரைந்து குணமடையும்.
நாடாப்பூச்சி, புழு – குடற்பழுவான நாடாப்புழு, கீரிப்பூச்சி, ஆகிய வற்றிக்கு, இதன் வேர் 50 கிராம்200 மி.லி. நீரில் காய்ச்சி குடிநீராக அருந்த, பூச்சிகள்அனைத்தும் வெளியேறும்.
விடம் :- குப்பைமேனிச்சாற்றில் சுண்ணாம்பு மத்தித்துநாய், பாம்பு, எலி, முதலியன வற்றில் கடி வாயில்தடவ குணமடையும். மேகப்புண்ணும் குணமடையும்.
படுக்கைப்புண் :- ஆமணக் கெண்ணையில் இந்த இலையை வதக்கி இழஞ் சூட்டுடன் வைத்துக் கட்ட படுக்கைப் புண், மூட்டு வீக்கம், வாத வலி தீரும்.
தலைவலி :- இந்த இலையின் பொடியை மூக்கில்பொடிபோல் இழுக்க நீர் வடிந்து தலைவலி உடனேகுணமடையும். இதனை நசியமிடுதல் என்பர். வெறிநாய்க் கடியும், சித்த பிரமையும் குணமடையும்.
சொறிசிரங்கு :- குப்பைமேனி, மஞ்சள், உப்பு மூன்றும்அரைத்துப் பூசி ஒரு மணி நேரம் சென்று குளித்துவர சொறி சிரங்கு படை குணமடையும்.
புண் :- எல்லாவகையான புண்களுக்கும் இதன்இலையுடன் மஞ்சள் வைத்து அரைத்துப் பூச குணமடையும், மேனி மீண்டும் எழிலோடு விளங்கும்.
———————————————–
//உங்களை நினைத்து மனம் மிக மிக நெகிழ்ச்சி அடைகிறது.உங்கள் பதிவுகளை படித்தே எல்லா நோய்களுக்கும் மருத்துவம் பார்க்கமுடியும் என்ற நம்பிக்கை வருகிறது //
மருத்துவர் பாஸ்கர் அவர்கள் சொன்னது மிக மிக சரி
நன்றி ஜி
sir you are really fantastic , keep doing this amazing work .
thank you,
அன்பு மிக்க திரு பூவை அவர்களே,
கருத்துரைக்கு மிக்க நன்றி !!!!!
மிக்க நன்றி
என்றென்றும் பேரன்பினால்
சாமீ அழகப்பன்
உங்களுடைய பதிவுகள் அனைத்தும் அருமை. மிகவும் அருமையான விளக்கம். உங்கள் சேவைக்கு எனது வாழ்த்துக்கள்.
திரிகடிப் பிரமாணம் என்பது என்ன அளவு என்பதை என் போன்றோருக்கு தெரிவயப்படுதவும்.
வாழ்க வளமுடன்
அன்பு மிக்க திரு ராமசாமி அவர்களே,
கருத்துரைக்கு மிக்க நன்றி !!!!!
திரிகடிப் பிரமாணம் என்பது மூன்று விரல்களைக் குவித்து எடுக்கும் அளவு.இது அவரவர் உடல் அளவுகளுக்கு ஏற்றாற் போல் மாறும்.மருந்தும் அவரவர் உடலளவிற்கு ஏற்றாற்போல் கூடிக் குறைந்து கொள்ளும்.எனவே இதற்கு நோயாளரே அவர் கையளவில் மருந்து எடுத்துக் கொள்ள வேண்டும், என்று நம் முன்னோர்களால் ஏற்படுத்தப்பட்ட அளவு முறை இது ஆகும்.
மிக்க நன்றி
என்றென்றும் பேரன்பினால்
சாமீ அழகப்பன்
அன்புள்ள சாமிஜி
பதிவு சிறப்பாக இருக்கிறது .நன்றி
அன்பு மிக்க திரு ஹரி அவர்களே,
கருத்துரைக்கு மிக்க நன்றி !!!!!
மிக்க நன்றி
என்றென்றும் பேரன்பினால்
சாமீ அழகப்பன்
சாமீ அழகப்பன் ஐயா அவர்களே, உங்கள் தகவலுக்கு நன்றி. இங்கே “பாதி பங்கு சோற்று உப்புடன்” என்பது எடையைக் குறிக்கும் என்று நினைகிறேன். அதாவது 10௦ கிராம் குப்பைமேனி இலை + 10 கிராம் சோற்று உப்பு என எடுத்துக் கொள்ளலாமா? மேலும் சோற்று உப்பு தற்போது அயோடின் கலந்துதான் கிடைக்கிறது. அயோடின் கலக்காத உப்பு தற்போது கிடைப்பது இல்லை. உங்களது அறிவுரை தேவை
அன்பு மிக்க திரு ராமசாமி அவர்களே,
கருத்துரைக்கு மிக்க நன்றி !!!!!
20 கிராம் குப்பை மேனியுடன் 10 கிராம் சோற்றுப்பு என்ற விகிதத்தில் கலந்து அரைத்து காய வைத்து எடுத்துக் கொண்டு மேற்கூறிய விதத்தில் சாப்பிடவும்.அயோடின் போன்ற பொருட்கள் குப்பை மேனியுடன் கலந்து காய விடும்போது அது ஆவியாகிவிடும்.எனவே பயம் வேண்டாம்.
மிக்க நன்றி
என்றென்றும் பேரன்பினால்
சாமீ அழகப்பன்
உங்களுடைய உடனடி பதிலுக்கு மிக்க நன்றி ஐயா.
வாழ்க வளமுடன்.
அன்பு மிக்க திரு ராமசாமி அவர்களே,
கருத்துரைக்கு மிக்க நன்றி !!!!!
மிக்க நன்றி
என்றென்றும் பேரன்பினால்
சாமீ அழகப்பன்
தனியாக முளைந்திருக்கும் குப்பைமேனிச் செடி ஒன்றைத் தேடிக் கண்டுபிடித்து, அந்த செடி இருக்கும் இடத்தைச் சுத்தம் செய்து கொள்ள வேண்டுமாம். பின்னர் கிழக்கு நோக்கி இருந்தவாறு, கலைமான் கொம்பினைக் கொண்டு மண்ணைத் தோண்டி வேரினை எடுக்க வேண்டும் என்கிறார்.
இப்படி தோண்டும் போது “துட்ட மிருக ஆகர்ஷணி ஏற்றமுயர் விசுவாமித்திர சுவாகா” என்ற மந்திரத்தை சொல்ல வேண்டுமாம். இப்படி சேகரித்த வேரை பத்திரப் படுத்திக் கொள்ள வேண்டும்.தேவை ஏற்படும் போது அந்த வேரை வாயில் அடக்கிக் கொண்டு மிருகங்களைக் அழைக்க அவை நன்கு பழகிய மிருகங்கள் போல் நம்மிடம் வரும் என்கிறார்.
ஆச்சர்யமான தகவல்தானே! courtesy : http://www.siththarkal.com
அன்பு மிக்க திரு மருத்துவர் பாஸ்கர் அவர்களே,
கருத்துரைக்கு மிக்க நன்றி !!!!!
இது போன்ற விடயங்கள் எம்மிடம் நிறைய உள்ளன.இவற்றை சோதித்து பார்த்து சரியாக இருந்தால் ஆதாரத்துடன் , புகைப்படங்களுடன் வெளியிட வேண்டும். மாறாக எம்மிடம் உள்ளதையெல்லாம் அப்படியே பிரதி எடுத்து போட நாம் விரும்பவில்லை.அதற்கு புத்தகத்தையே படித்துவிடலாமே நாம் இப்போது செய்து கொண்டிருப்பது , இவற்றை சோதித்து பார்த்து சரியாக இருந்தால் ஆதாரத்துடன் , புகைப்படங்களுடன் வெளியிடுகிறேன் .
மிக்க நன்றி
என்றென்றும் பேரன்பினால்
சாமீ அழகப்பன்
நன்றி ஐயா,தங்கள் பதிவுகள் எல்லாம் தாங்கள் சுயபரிசோதனை செய்தபின்னரே வெளியிடுவது அறிந்து மிகமிக சந்தோசம்
அன்பு மிக்க திரு மருத்துவர் பாஸ்கர் அவர்களே,
கருத்துரைக்கு மிக்க நன்றி !!!!!
சுய பரிசோதனை மட்டுமல்ல எடுத்துக் காட்டுகளுடன் விளக்கும்போதே கேள்விகள் தாங்க முடியவில்லை. சும்மா பேருக்குச் சொன்னேன் என்றால் சேவை பண்ண வந்த எம் நிலை மிகப் பரிதாபம். இதுவும் சில நாட்களே.எப்போது காய சித்தி ஆகிறதோ அப்போது இது எல்லாம் நின்று போய்விடும்.அது வரை இது தொடரும்.அதற்குள் தெரிந்து கொள்ள வேண்டிய விடயங்களை எமக்கோ எம் மன நிலைக்கோ சம்பந்தமில்லாமல்தான் வெளியிட்டுக் கொண்டிருக்கிறேன். உனக்குத்தான் கிடைத்துவிட்டதே ஏன் இது தேவையா என்று கடந்தவர் யாரும் தடுக்காத வரை வெளி வரும்!!!!
மிக்க நன்றி
என்றென்றும் பேரன்பினால்
சாமீ அழகப்பன்
அன்புள்ள சாமிஜி அவர்களுக்கு
வணக்கம்
////இதுவும் சில நாட்களே.எப்போது காய சித்தி ஆகிறதோ அப்போது இது எல்லாம் நின்று போய்விடும்///தயவு செய்து அப்படி எதுவும் செய்து விடாதீர்கள் ஐயா.தங்கள் தொடர்பு எங்களுக்கு migavum தேவைப்படுகிறது.எங்களையும் கரை ஏற்றுங்கள்.
///இது தேவையா என்று கடந்தவர் யாரும் தடுக்காத வரை வெளி வரும்!!!!///
தொடர்ந்து தாங்கள் பதிவுகளை வெளியிடுங்கள்.யாரும் தடையாக இருக்க மாட்டார்கள்.எல்லாம் வல்ல இறைவன் துணை இருப்பார் .
அன்பு மிக்க திரு ஹரி அவர்களே,
கருத்துரைக்கு மிக்க நன்றி !!!!!
எல்லாம் வல்ல இறைவன் என்ன எண்ணிருக்கிறானோ ? யாமறியோம் பராபரமே !!!!! எதுவும் எம் கையில் இல்லை என்பதை இப்போதைய பல சந்தர்ப்பங்களில் இறைவன் உணர்த்தி வருவதால் இப்படி மட்டுமே எம்மால் கூற இயலும்.
மிக்க நன்றி
என்றென்றும் பேரன்பினால்
சாமீ அழகப்பன்
அன்பு மிக்க திரு ஹரி அவர்களே,
கருத்துரைக்கு மிக்க நன்றி !!!!!
எல்லாம் வல்ல இறைவன் என்ன எண்ணிருக்கிறானோ ? யாமறியோம் பராபரமே !!!!! எதுவும் எம் கையில் இல்லை என்பதை இப்போதைய பல சந்தர்ப்பங்களில் இறைவன் உணர்த்தி வருவதால் இப்படி மட்டுமே எம்மால் கூற இயலும்.
மிக்க நன்றி
என்றென்றும் பேரன்பினால்
சாமீ அழகப்பன்
kandamalai enbadu moolathin vagai enbadu thavarana pathivu.athu kandam engira kaluthai sutri varum oru vagai padai .
அன்புள்ள திரு வீ.மனோகரன் அவர்களே ,
கண்ட மாலை என்பது மூலத்தின் வகை என்று எங்கே சொல்லி இருக்கிறோம்.எங்கேயாவது தவறிருந்தால் மிகச் சரியாக சுட்டிக் காட்டவும்.கண்ட மாலையும் , மூலங்களும் குணமாகும் என்றால் , கண்ட மாலை மூலத்தின் வகை என்று நீங்களாக பொருள் எடுத்துக் கொண்டால் நான் பொறுப்பல்ல.எல்லா தோல் நோய்களும் (எனென்றால் நுரையீரல்தான் தோலைப் பார்த்துக் கொள்ளும் முக்கிய உள்ளுறுப்பு ) , நுரையீரல் செயல்பாட்டுக் குறைவினால் வரும் கழுத்தைச் சுற்றி வரும் சளிக்கட்டிகளுக்குப் பெயர்தான் கண்ட மாலை .கழுத்தைச் சுற்றி முத்து மாலையிட்டது போல வரும் கட்டிகள் இருப்பதால் இதற்கு கண்ட மாலை என்று பெயர். தமிழ் வியாதிப் பெயரிலேயே அதன் பொருள் பொதுவாக வெளிப்படும் விதத்திலேயே இருக்கும் .இது ப்ரைமரி காம்ப்லெக்ஸ் குழந்தைகளில் வெளிப்படையாக நன்றாக தெரியும்.இதற்கு முன் உள்ள நிலையில் நுரையீரலின் குறைபாடு தோல் நோயாக வெளிப்படும்.தவறான பொருள் கொள்ள வேண்டாம்.
மிக்க நன்றி
என்றென்றும் பேரன்பினால்
சாமீ அழகப்பன்
மரியாதைக்குரிய அய்யா அவர்களுக்கு
என்னுடைய மனைவிக்கு கழுத்தில் கழலை கட்டி போன்று வந்தது அதை பரிசோதனை செய்து பார்த்ததில் அதை காசநோய் என்றார்கள் ஆங்கில மருந்து ஆறு மாதம் உண்ட பின்
அந்த கட்டி குறைந்தது பின்னர் ஒரு வருடம் கழித்து மீண்டும் வந்துள்ளது மீண்டும் பரிசோதனை செய்து பார்த்ததில் காசநோய் தான் என்று உறுதி செய்து மீண்டும் எட்டு மாதம்
மருந்து மற்றும் ஊசி போட சொல்லி இருக்கிறாகள் .இதற்கு நாங்கள் என்ன செய்ய வேண்டும் தயை கூர்ந்து சொல்லுங்கள்
குறிப்பு :இதே காசநோய் என் மனைவியின் அம்மா மற்றும் மனைவயின் சகோதரியின் உயிரை பறித்தது என்பதை தங்களுக்கு தெரிவித்து கொள்கிறேன் மற்றும் முதல் முறை மருந்து எடுத்து கொள்ளும் பொழுது என்னுடைய மனைவி கர்ப்பமாக இருந்தார்கள் இப்பொழுது எங்கள் மகனுக்கு ஒன்றரை வயது பூர்த்தியாகி விட்டது.என்னுடைய மனைவி அசைவ உணவை உன்ன மாட்டார்கள் அனால் மருத்துவர் முதற்கொண்டு அனைவரும் அசைவ உணவை உன்ன சொல்கிறார்கள் .இது மிகவும் அவசியமா .உங்கள் உதவி நாடும்
பு.நா.பிரதாப்
அன்புள்ள திரு பு நா பிரதாப் அவர்களே ,
நுரையீரல் செயல்பாட்டுக் குறைவினால் வரும் கழுத்தைச் சுற்றி வரும் சளிக்கட்டிகளுக்குப் பெயர்தான் கண்ட மாலை. கழுத்தைச் சுற்றி முத்து மாலையிட்டது போல வரும் கட்டிகள் இருப்பதால் இதற்கு கண்ட மாலை என்று பெயர். தமிழ் வியாதிப் பெயரிலேயே அதன் பொருள் பொதுவாக வெளிப்படும் விதத்திலேயே இருக்கும் .இது ப்ரைமரி காம்ப்லெக்ஸ் குழந்தைகளில் வெளிப்படையாக நன்றாக தெரியும்.ஆங்கில மருந்துகள் நீங்கள் ஏற்கெனவே எடுத்து இருப்பதால் ,கீழ்க்கண்ட மருந்தை மூன்று அல்லது நான்கு நாட்கள் சாப்பிட்டு ஆங்கில மருந்தினால் உடலில் தங்கியுள்ள நஞ்சை முறித்த பின்னர் அதன் கீழ் சொல்லியுள்ள மருந்தை சாப்பிடவும். காலையில் வெறும் வயிற்றில் (ஞாயிற்றுக் கிழமை மட்டுமே தொடங்குங்கள் ) அருகம் புல் இலை, இலையாக ஆய்ந்து (அருகம் புல் கணுவில் அதன் மருந்துத் தன்மையை முறிக்கும் நஞ்சு உள்ளது எனவே அதைத் தவிர்க்க வேண்டும் ) 11 கெட்டியான நல்ல மிளகுடன் வைத்து அம்மியில் அரைத்து (மிக்ஸியில் போடாதீர்கள்,போட்டால் மிக்ஸியின் சூட்டால் மருந்து வெந்துவிடும் ,முழுமையாக வேலை செய்யாது.) அரை டம்ளர் தண்ணீரில் கலக்கி படிப்படியாக சுவைத்து சாப்பிட்டால்தான் உடலில் மருந்து சேரும்.இதனால் ஆங்கில மருந்துகளின் நஞ்சு முறிந்து ஒழியும்.காச நோய்க் கட்டிகளுக்கு அழகான எளிய மூலிகை மருந்து குப்பை மேனி.இதை, 11 கெட்டியான நல்ல மிளகுடன் வைத்து அம்மியில் அரைத்து(மிக்ஸியில் போடாதீர்கள்) 48 நாட்கள் ,காலை வெறும் வயிற்றில் அரை டம்ளர் தண்ணீரில் கலக்கி படிப்படியாக சுவைத்து சாப்பிட்டால்தான் மருந்து உடலில் சேரும்.48 நாட்களில் ஒரு நாள்கூட தவறாமல் உண்ண வேண்டும்.ஒரு நாள் தவறினாலும் மீண்டும் 48 நாட்கள் சாப்பிட வேண்டும்.மருந்து சாப்பிடும் நாட்களில் குளிர்ச்சியான பதார்த்தங்கள் ,தக்காளி,கத்தரிக்காய் , கடுகு , நல்லெண்ணெய் அறவே தவிர்க்க வேண்டும் .
மிக்க நன்றி
என்றென்றும் பேரன்பினால்
சாமீ அழகப்பன்
மதிப்பிற்குரிய அய்யா
தங்களுடைய ஆலோசனைக்கு மிக்க நன்றி ,நோய் குணமான பின் தங்களுக்கு தெரிவிக்கிறேன்
ஏன்றென்றும் நன்றிகளுடன்
பு .நா பிரதாப்
அன்புள்ள திரு பு .நா பிரதாப் அவர்களே ,
கருத்துரைக்கு மிக்க நன்றி,
மிக்க நன்றி
என்றென்றும் பேரன்பினால்
சாமீ அழகப்பன்