திருவள்ளுவர் காட்டும் மருந்து

March 29, 2012 by: machamuni

திருவள்ளுவர் மருந்து என்ற அதிகாரத்தில் கூறியிருக்கும் பத்துக் குறளும் மருந்தைப் பற்றியே இருக்காது.மருந்தைப் பற்றியே சொல்லாமல் எதற்கு மருந்து என்ற தலைப்பை திருவள்ளுவர் வைத்தார்.அவர் மருந்து அதிகாரத்தில் கூறியுள்ளபடி நடந்தால் மருந்து என்பதே தேவையில்லை என்பதால் அப்படி வைத்துள்ளார்.

மருந்து

குறள் 1)

மிகினுங் குறையினும் நோய் செய்யு நூலோர்

வளிமுதலா வெண்ணிய மூன்று.

மருத்துவ நூலோர் எண்ணி ஏற்படுத்திய (1)வளியாகிய காற்று(வாதம்)(2) வன்னி என்ற நெருப்பு(பித்தம்)(3)நீர்(சிலேற்பனம்) ஆகிய மூன்றும் கூடினாலும் குறைந்தாலும் நோய் உண்டாகும்.இது உணவின் மூலமோ அல்லது பழக்க வழக்கத்தினாலோ,அல்லது சுற்றுப்புற சூழலினாலோ பாதிக்கப்பட்டால் நோய் உண்டாகும்.

குறள் 2)

மருந்தென வேண்டாவாம் யாக்கைக் கருந்திய

தற்றது போற்றி யுணின்.

உடலுக்கு பொருந்தும் உணவு எது என்றும்,பொருந்தாத உணவு எது என்றும் போற்றி உண்ணக் கூடியவருக்கு மருந்து என ஏதும் தேவையில்லை.

குறள் 3)

அற்றா லளவறிந் துண்க வஃதுடம்பு

பெற்றா னெடிதுய்க்கு மாறு

நமக்கு எவ்வளவு உணவு தேவை.அதை நம்மால் சீரணிக்க முடியுமா?நமக்கு அது தேவையா?என்று உணர்ந்து ருசிக்குச் சாப்பிடாமல் பசிக்குச் சாப்பிடுங்கள் .அதுவே இந்த உடம்பு நெடு நாள் உயிர் வாழும் வழி.அதாவது தற்போதுள்ள நம் நாட்டு சூழ்நிலையில் சாப்பிட ஏதும் கிடைக்காமல் சாப்பிடாமல் உயிர் விடுபவர்களைவிட,அதிக உணவு சாப்பிட்டு அதனால் உயிர் விடுபவர்களே அதிகம்.(கொலஸ்ட்ரால்,சர்க்கரை இவை எல்லாம் அதிகம் சாப்பிடுவதால் வருபவை)

குறள் 4)

அற்ற தறிந்து கடைப்பிடித்து மாறல்ல

துய்க்க துவரப் பசித்து.

முன் சாப்பிட்டது வயிற்றில் இல்லாமல் காலியாகி விட்டதை அறிந்து, பின் மிக்க பசியெடுத்த பின் உண்ணும் போது உடலுக்கு வாத,பித்த,சிலேற்பனம் முதலான முக்குற்றங்களை உண்டாக்காத மாறு பாடில்லாத உணவுகளை உண்டால் நோய் வராது.மருந்து தேவையில்லை.புரியவில்லை என்றால் கீழே உள்ள அவள் விகடனில் வெளியான கட்டுரையை படியுங்கள்.

குறள் 5)

மாறுபா டில்லாத வுண்டி மறுத்துண்ணி

னூறுபா டில்லை யுயிர்க்கு

மேலே சொன்ன(வளி) வாதமாகிய காற்று முதலாகியவற்றை மாறுபாடு செய்யாத உணவுகளை மட்டும் உண்டு,மாறுபாடு செய்பவைகளை மறுத்துண்டால் ஊறு பாடு என்பது உயிருக்கு வரவே வராது.இப்படி  உண்ணக் கூடியவருக்கு மருந்து என ஏதும் தேவையில்லை.

குறள் 6)

இழிவறிந் துண்பான்க னின்பம்போ நிற்கும்

கழிபே ரிரையான்க ணோய்

மிகக் குறைவாக உண்பானிடத்தில் இன்பமும் அதிகமாக உண்பவனிடத்தில் துன்பத்தை உண்டாக்கும் நோயும் நிலை பெறும்.அதாவது ஒரு பொழுதுண்பவன் யோகி.இரு பொழுதுண்பவன் போகி.மூன்று பொழுதுண்பவன் ரோகி(பெரும் வியாதியஸ்தன்).நான்கு பொழுதுண்பவன் துரோகி(தன்னுடலுக்கு துரோகம் செய்பவன்).

நன்றி :விகடன்

குறள் 7)

தீயள வன்றித் தெரியான் பெரிதுண்ணி

னோயள வின்றிப் படும்

வயிற்றில் இருக்கும் ஜடராக்கினியாக இருக்கும் உணவைச் செரிக்கும் தீக்குப் (நெருப்பு ) பங்கமில்லாமல்,  அதாவது அணைந்து போகுமளவிற்கு தெரியாமல் பெரிதும் உண்பவனுக்கு நோய் அளவின்றி உண்டாகும்.

குறள் 8 )

நோய்நாடி நோய்முத னாடி யதுதணிக்கும்

வாய்நாடி வாய்ப்பச் செயல்

வைத்தியர் தான் அறிந்த எல்லா வைத்திய சாத்திரங்களையும்,கால பேதவியல்புகளையும் அதனால் உடலில் ஏற்படும் மாறு பாடுகளையும்  வைத்து நோயின் அறிகுறிகளை அணுகி,அதன் முதலான ஆரம்பம் எதில் துவங்கியது என்று அதன் வேரோடு கெல்லி எறியும் வழியைத் தேடி அதன் வழியே சென்று நோயைப் போக்க வேண்டும்.

குறள் 9)

உற்றா னளவும் பிணியளவுங் காலமுங்

கற்றான் கருதிச் செயல்

வைத்தியர் தான் அறிந்த எல்லா வைத்திய சாத்திரங்களையும்,கால பேதவியல்புகளையும் அதனால் உடலில் ஏற்படும் மாறு பாடுகளையும் கருத்தில் கொண்டு பிணியுற்றவனுடைய பிணியளவும்,பிணியுற்ற காலத்தையும் கருத்தில் கொண்டு செயல்பட வேண்டும்.

குறள் 10)

உற்றவன் றீர்ப்பான் மருந்துழைச் செல்வானென்

றப்பானாற் கூற்றே மருந்து.

உற்றவனான(வைத்தியனை இங்கே நெருங்கியவன் என்ற பொருள்பட அழைக்கிறார் வள்ளுவர்) மருத்துவனிடம் வரும் நோயாளன் நான்கு விடயங்களைக் கொண்டவனாக இருக்க வேண்டும்.அவையாவன பொருளுடைமை,மருத்துவன் கூறும் வழி நிற்றல்,நோய் நிலையை உணர்ந்து உணர்த்தும் தன்மை,மருந்துத் துன்பம் பொறுத்தல் ஆகிய நான்கு குணங்கள் ஆகும்.

10 responses to “திருவள்ளுவர் காட்டும் மருந்து”

  1. ramesh says:

    இன்றைய காலகட்டத்திற்கு மிகவும் தேவையான தகவல்கள் . நன்றி….. நன்றி ………

    • machamuni says:

      கருத்துரைக்கு நன்றி திரு ரமேஷ் அவர்களே,என்றைய காலகட்டத்துக்கும் வள்ளுவர் பாடல் சிறந்தது.
      மிக்க நன்றி
      என்றென்றும் பேரன்பினால்
      சாமீ அழகப்பன்

  2. varadarajan says:

    It is a very good blog. The sayings of Thiruvalluvar on Medicine without focusing on any medicine but to stress lot on keeping the Body is really nice.

    • machamuni says:

      கருத்துரைக்கு நன்றி திரு வரதராஜன் அவர்களே,தங்கள் பாராட்டுரைக்கு நன்றி.
      மிக்க நன்றி
      என்றென்றும் பேரன்பினால்
      சாமீ அழகப்பன்

  3. தேவன் says:

    ஏழ்கடலை குறுகத் தரித்த வள்ளுவோன் அய்யா, இந்த பதிவிட்டமைக்கு நன்றி.

    • machamuni says:

      கருத்துரைக்கு நன்றி திரு தேவன் அவர்களே,
      மிக்க நன்றி
      என்றென்றும் பேரன்பினால்
      சாமீ அழகப்பன்

  4. மு.துரைபாபு says:

    இந்த அவசர காலத்தில் ..பணம் சம்பாதிக்க மட்டுமே நேரம் இருக்கு ..நாம் நம் உடல் நலனில் கவனம் செலுத்துவதில்லை ……கண் கெட்ட பிறகு சூர்ய நமஸ்காரம் ??

  5. ஸஹதுல்லாஹ் says:

    அண்ணன் அவர்களுக்கு,

    ///// அதாவது ஒரு பொழுதுண்பவன் யோகி.இரு பொழுதுண்பவன் போகி.மூன்று பொழுதுண்பவன் ரோகி(பெரும் வியாதியஸ்தன்).நான்கு பொழுதுண்பவன் துரோகி(தன்னுடலுக்கு துரோகம் செய்பவன்)./////

    இரு பொழுதுண்பதென்பதில்,( இக்காலத்தில் பொதுவாக மூன்று வேளை உண்கிறோம் அதில்), எவ்வேளையை விட்டு விட வேண்டும்?

    தங்களன்புள்ள,
    ஸஹதுல்லாஹ்

    • machamuni says:

      அன்புள்ள திரு சதயத்துல்லாஹ் அவர்களே
      கருத்துரைக்கு மிக்க நன்றி,
      காலை வேளை உணவை காலை 7 மணி முதல் 9 மணிக்குள் கட்டாயம் சாப்பிட்டுவிட வேண்டும்.அது ஒரு ராஜா சாப்பிடும் உணவை போல் செழிப்பாக இருக்க வேண்டும்.மதிய உணவைத் தவிர்க்கலாம்.இரவு உணவை மிதமாக வைத்துக் கொள்ளலாம்.இப்படி இருந்தால்.இரவு உணவு ஒரு பிச்சைக்காரன் உணவைப் போல இருந்தால் நலம்.இப்படி இருந்தால் உடல் நலம் நன்றாக இருக்கும்.
      மிக்க நன்றி
      என்றென்றும் பேரன்பினால்
      சாமீ அழகப்பன்

  6. Ramanathan says:

    அய்யா,

    அசைவ உணவு சாப்பிடும் சில நண்பர்கள் உள்ளனர், அவர்கள் கூறுவதாவது அசைவ உணவு சாபிட்டால் தான் கடுமையான வேலை ( பளு தூக்குதல், சுமை தூக்குதல், விவசாயம் முதலியன) செய்ய முடியும் என்று கூறுகிறார்கள். உயிர் கொலை சிறிதும் விரும்பாதவன் நான். கடுமையான வேலை செய்பவர்களுக்கு அதிக பலம் தரும் மூலிகைகள், இயற்கை உணவுகள் இருந்தால் கூறுங்கள். நான் அவர்களிடம் இனி தைரியமாக எடுத்துரைப்பேன்.

    ராமநாதன்

Leave a Reply

Your email address will not be published. Required fields are marked *

+ 20 = 21